भैयादूज उत्सव: सर्वेषां भातृणां कृते भगिनीनां प्रेमोत्सव: इति अस्ति । एतस्य उत्सवस्य अवसरे यमदेवस्य लेखाधिकारी श्रीचित्रगुप्तदेवस्य पूजार्चनं भवति । अस्य उत्सवस्य कृते एका कथा प्रचलिता अस्ति ।
एकदा भगवान् यमराज: आत्मन: स्वसा यमुनाया: गृहं गतवान् । तत्र यमुना देवी तस्य अतिसेवा: सुश्रूषा: सम्पादितवती । यम: प्रसन्न: जात: वरं व़णीतुं च उक्तवान् । यमुनादेवी वरं याचितवती - भगवन । यदि भवान् प्रसन्न: चेत् कृपया एतत् वरं ददातु यत् अद्यतनीये दिवसे य: कश्चिदपि मम जले स्नानं कुर्यात् स: भवत: यमपाशे न पतेत । पुनश्च अस्मिन् दिवसे य: कश्चित् अपि आत्मन: स्वसार: गृहे गत्वा भोजनादिकं कुर्यात् स: अपि सर्वदा सुखी भवेत् ।
यम: ताम् अभीष्टं वरं प्रदाय स्वलोकं प्रति गतवान् । तदा आरभ्य एष: उत्सव: जनै: आयोज्यते । भगिन्य: भ्रातृणां कृते व्रतं धारयन्ति । भ्रातर: भगिनीनाम् आदरं सम्पादयन्ति । द्वौ अपि मिलित्वा प्रत्येकस्य दीर्घजीवनस्य शुभकामना: च याचेते ।
Good article, thanks!
जवाब देंहटाएं