महाजनो येन गत: स पन्‍था ।।

अद्य दूरदर्शने एकं समाचारं दृष्‍टवान ।
एष: समाचार: सचिनस्‍य महानताविषयक: आसीत् ।
तत्र कस्‍यचित् पुरातन मित्रस्‍य सहायतां कर्तुं धनम् अपेक्षितम्1 आसीत् यत् सचिनेन दत्‍तम् ।
अहं प्रायश: दृष्‍टवान्2 अस्मि यत् जना: यदा प्रशिद्धि: प्राप्‍नुवन्ति चेत् ते सर्वप्रथम स्‍वपुरातन मित्राणि विस्‍मरन्ति3 ।
यतोहि पुरातन मित्राणि अस्‍माकं सर्वं व्‍यवहारं,  अस्‍माकं मूलं जानन्‍ति, अपि च तै: सह् सम्‍पूर्ण अतीतस्‍य स्‍मृति: भवति  अत: तान विस्‍मृत्‍य4 जना: स्‍व भूतकालं विस्‍मरन्ति इति तेषां विश्‍वास: खलु भवति ।

आसीत् कश्चित् सचिनस्‍य मित्रं यस्‍य पाद: खंज:5, सचिन: तस्‍य शल्‍यचिकित्‍साकार्यार्थं 6 लक्ष रूप्यकाणि दत्‍तवान् ।
षड लक्ष रूप्‍यकाणि तु सचिनस्‍य कृते किमपि नास्ति किन्‍तु तस्‍य मित्रस्‍य सम्‍पूर्ण जीवनं अनेन नूतनं जातम् ।
अस्‍माकं समाजे अद्य सचिन स‍दृशस्‍य एव जनानां न्‍यूनता अस्ति ।

सत्‍यमेव उक्‍तम् अस्ति खलु महाजनो येन गत: स पन्‍था ।।
मैत्रीकार्यं तु सरलं किन्‍तु वहनं6 कठिनमेव । किन्तु ये महानजना: भवन्ति तेषां कृते किमपि कठिनं नास्ति इति अद्य सचिनेन दर्शितम् ।
तेन एषोपि सन्‍देश: समाजे प्रसारित: यत् महानता प्राप्तुं तदनुगुणं सारल्‍यं, गुणा: चापि भवेत् ।

1-आवश्‍यकता  2-देखा  3-भूलजाते हैं  4-भूलकर  5-विकृत, लंगडा  6-निभाना, ढोना