विश्वचषकप्रतियोगिताया: निर्णायकक्रीडा समाप्ता । यथा अनुमानम् आसीत् भारतदेश: एव अस्य चषकस्य अधिपति: अभवत् । चषकक्रीडाया: आरम्भे एव एवम् अनुभूतं यत् सम्भवत: श्रीलंका चषकस्योपरि आधिपत्यं स्थापयिश्यति किन्तु गंभीरस्य गभीरक्रीडा श्रीलंकीयानां सर्वान् मनोरथान् नाशिता ।।
गंभीर: स्वशतकात् केवलं 3 धावनांकेन पूर्वम् एव बहि: अभवत् । साक्षात् युवराज: आगत्य क्रीडाया: गति: वर्धितवान् । धौनी अथ च युवराज: मिलित्वा क्रीडां विजितवन्तौ ।
क्रीडां विजित्य तौ परस्परं समालिंग्य अश्रुपातम् अपि कृतवन्त: । साक्षात् सम्पूर्णसमूह: धावनं कृत्वा सचिनं उत्थाप्य क्रीडाक्षेत्रस्य परिक्रमणं कृतवन्त: । 
सचिन: हस्ते तिरंगाध्वजं स्वीकृतवान् आसीत् । स: महापुरुष: अद्य चिरलक्ष्यं प्राप्तवानासीत् खलु । विजयं प्राप्य सर्वे आनन्दं स्वीकृतवन्त: ।
एकत्रीभूय विश्वचषकं हस्तौ संस्थाप्य अटनं कृतवन्त: । हासं कृतवन्त: । रोदनं च कृतवन्त: । 
अस्मिन् अवसरे ये केपि दूरदर्शनं पश्यन्त: आसन् ते भारतस्य विजयप्राप्त्यर्थं बहुकिमपि टोटका कृतवन्त: । अहम् अपि एकं टोटका कृतवान् आसम् । अहं संकल्पं स्वीकृतवान् आसम् यत् यदा पर्यन्तं भारतदेश: विजयं न प्राप्नोति तदा पर्यन्तम् अहं क्षौरकार्यं न करिष्यामि । पश्यतु अहं कथं प्रतीये क्षौरकार्यात् पूर्वम् । 
अहं अद्य प्रात: क्षौरकार्यं कृतवान् । पश्यतु अद्य अहं कथं प्रतीये । 
भारतविजयस्य कृत अस्माकं सुरसाम्राज्ञी अपि व्रतं धारितवती आसीत् । तस्या: व्रतं अपि सफलम् अभवत् । सा महामहिला निश्चयेन वन्दनीया ।
। एवं विधा एव अन्ये बालिवुडअभिनेतार: अपि भारतस्य विजये मोदं स्वीकृतवन्त: । 
केचन् हस्तकलानिपुडा: अस्मिन् अवसरे सचिनं श्रीहनुमानजीवत् पुनश्च धौनीं श्रीरामवत् चित्रितवन्त: ।। 
एवं विधा विश्वचषकस्य क्रीडा आनन्देन समाप्ता । सर्वत्र हर्ष: आनन्द: एव आसीत् । राजमार्गे जनानां सम्मर्द: नृत्ये संलग्न: आसीत् । आरात्रौ जना: मोदं कृतवन्त: । भगवत: धन्यवादं कृतवन्त: । 
वयं चतुर्वषाणां कृते क्रिकेटविश्वविजेता स्म: । मोदयन्तु भो: सर्वे । जय हिन्द
जय भारत
0 टिप्पणियाँ