अविनयमपनय विष्णो दमय मन: शमय विषयमृगतृष्णाम् ।भूतदयां विस्तारय तारय संसारसागरत: ।।1दिव्यधुनीमकरन्दे परिमलपरिभोगसच्चिदानन्दे ।श्रीपतिपदारविन्दे भवभयखेदच्छिदे वन्दे ।।2सत्यपि भेदापगमे नाथ तवाहं न मामकीनस्त्वम् ।सामुद्रो हि तरंग क्वचन समुद्रो न तारंग: ।।3उद्धृतनग नगभिदनुज दनुजकुलामित्र मित्रशशिदृष्टे ।दृष्टे भवति प्रभवति न भवति किं भवतिरस्कार: ।।4मत्स्यादिभिरवतारैरवतारवतावता सदा वसुधाम् ।परमेश्वर परिपाल्यो भवता भवतापभीतो अहम् ।।5दामोदर गुणमन्दिर सुन्दरवदनारविन्द गोविन्द ।भवजलधिमथनमन्दर परमं दरमपनय त्वं मे ।।6नारायण करुणामय शरणं करवाणि तावकौ चरणौ ।इति षट्पदी मदीये वदनसरोजे सदा वसतु ।।7इति श्रीमच्छंकराचार्यविरचितं षट्पदीस्तोत्रं सम्पूर्णम् ।।
टिप्पणियाँ
एक टिप्पणी भेजें