भ्रातर: बहव: अस्मत्सु सन्ति ये संस्कृते आस्था तु धारयन्ति किन्तु ते संस्कृतं वक्तुं किंचिदपि न जानन्ति । एते जना: प्रायश: पृच्छन्ति अपि संस्कृतस्य संभाषणं कुत: प्राप्नुम: । प्रायश: अहम् अपि न वक्तुं शक्नोमि यतोहि आवर्षं तु संस्कृतस्य कार्यक्रमा: चलन्ति किन्तु विभिन्नक्षेत्रेषु विभिन्ननि आयेाजनानि भवन्ति एतदर्थं सम्भाषणशिविरं कुत्र चलति इति ज्ञातुं सौकर्यं नैव भवति ।
किन्तु उपस्थित: अस्ति कश्चित् विशिष्ट: अवसर: भवतां सर्वेषां संस्कृतानुरागिणां कृते । उत्तरप्रदेशस्य संस्कृतभारत्या: मुख्यकार्यालयेन एक: विशिष्ट: सम्भाषणकार्यक्रम: उपस्थापित: अस्ति । इत्युक्ते अस्य आयोजनं साक्षात् अग्रिम मासे भवितुं गच्छति । जूनमासस्य 5 दिनांकत: 15 दिनांकपर्यन्तं अस्य शिविरस्य आयोजनं भविष्यति । अस्मिन् शिविरे भवन्त: दश दिवसेषु एव प्रवाहपूर्णं संस्कृतं वक्तुं अवगच्छन्ति ।
अतत् शिविरं वर्षे मात्र एकवारम् एव आयोज्यते । अस्मिन् वर्षे अस्य आयेाजनं लखीमपुरखीरी जनपदे क्रियते । अस्य शिविरस्य शुल्कं केवलं 600 अस्ति । अस्मिन् भवताम् आवास व्यवस्था (दशदिवसस्य) , भोजनव्यवस्था तथा च एकवर्षस्य कृते संभाषणसन्देष इति पत्रिका नि:शुल्कं दीयते ।
अधिकं ज्ञातुं अस्य शिविरस्य व्यवस्थाप्रमुख: श्रीमान् श्रवणानन्दमहोदय: पृष्टव्य: । तस्य चलभाषसंख्या 8004532184 अस्ति । सन्दर्भरूपेण यदि इच्छति चेत् मम नाम ’विवेकानन्द:’ उत ‘ आनन्द पाण्डेय:’ इति वक्तव्य: । संदर्भं न ददाति चेदपि सूचना: प्राप्स्यते एव । शीघ्रं कुर्वन्तु , एष: अवसर: पुन: कदाचित् निकटभविष्ये मिलेत् न वा ।
टिप्पणियाँ
एक टिप्पणी भेजें